ମାଲକାନଗିରିରେ ପ୍ରେମ ପାଇଁ ମୋବାଇଲ ଟାୱାର ଉପରେ ଚଢିଲେ ଯୁବକ, ୩ ଘଣ୍ଟା ପରେ ଉଦ୍ଧାର କଲେ ପ୍ରାୟାର ବ୍ରିଗେଡ୍ କର୍ମଚାରୀ |

ମାଲକାନଗିରି ଜିଲ୍ଲାରେ ଏକ ଅଭାବନୀୟ ଓ ଚିନ୍ତାଜନକ ଘଟଣା ଦେଖିବାକୁ ମିଳିଛି। ପଡ଼ିଆ ଥାନା ଅନ୍ତର୍ଗତ ସିଙ୍ଗରାଜକୋଣ୍ଡା ଗାଁରେ ପ୍ରେମ ସମ୍ପର୍କିତ ବିବାଦକୁ କେନ୍ଦ୍ର କରି ଜଣେ ଯୁବକ ମୋବାଇଲ ଟାୱାର ଉପରକୁ ଚଢିଯାଇଥିଲେ, ଯାହାକୁ ଦେଖି ସ୍ଥାନୀୟ ଲୋକଙ୍କ ମଧ୍ୟରେ ଆତଙ୍କ ସୃଷ୍ଟି ହୋଇଥିଲା।
ଯୁବକ ଜଣକ ହେଲେ ଏମ୍ଭି-୭ ଗ୍ରାମର ୩୦ ବର୍ଷୀୟ ଆଡ଼ମା ମାଡ଼କାମ। ସୂଚନା ଅନୁସାରେ, ପ୍ରେମିକାଙ୍କ ସହ ମନମୁଟାଉ ହେବା ପରେ ସେ ଆକ୍ରୋଶରେ ଏହି ଚରମ ପଦକ୍ଷେପ ନେଇଥିଲେ। ଟାୱାର ଉପରେ ଚଢି ସେ ନିଜ ଜୀବନକୁ ବିପଦରେ ପକାଇଥିବା ଦେଖି ସ୍ଥାନୀୟ ଲୋକେ ତୁରନ୍ତ ପୁଲିସ ଓ ଅଗ୍ନିଶମ ବିଭାଗକୁ ସୂଚନା ଦେଇଥିଲେ।
ଘଟଣାସ୍ଥଳରେ ପହଞ୍ଚି ଅଗ୍ନିଶମ କର୍ମଚାରୀ ଓ ପୁଲିସ ଦଳ ପ୍ରାୟ ୩ ଘଣ୍ଟା ଧରି ଅପରିମିତ ପ୍ରୟାସ କରି ଯୁବକଙ୍କୁ ବୁଝାଇ ଶାନ୍ତ କରିବା ସହ ସୁରକ୍ଷିତ ଭାବେ ତଳକୁ ନେଇଥିଲେ। ଏହି ଉଦ୍ଧାର କାର୍ଯ୍ୟରେ ଅଗ୍ନିଶମ ବିଭାଗକୁ ବହୁତ ସମସ୍ୟା ସମ୍ମୁଖୀନ ହେବାକୁ ପଡ଼ିଥିଲା।
ସ୍ଥାନୀୟ ଲୋକଙ୍କ କହିବା ଅନୁସାରେ, ଯୁବକ ଜଣକ ଭାବାବେଗରେ ଏହି ପଦକ୍ଷେପ ନେଇଥିଲେ। ସମୟୋପଯୋଗୀ ଉଦ୍ଧାର କାର୍ଯ୍ୟ ଫଳରେ ଏକ ବଡ଼ ଅପମାଦ ଟଳିଯାଇଛି।
ଏହି ଘଟଣା ପୁନର୍ବାର ପ୍ରମାଣ କରିଛି ଯେ, ଭାବାବେଗରେ ନିଆଯାଇଥିବା ସିଦ୍ଧାନ୍ତ କେତେ ଜଣଙ୍କ ପାଇଁ ବିପଦଜନକ ହୋଇପାରେ। ଏପରି ପରିସ୍ଥିତିରେ ଧୈର୍ଯ୍ୟ ଓ ସମ୍ବାଦ ହିଁ ସମସ୍ୟାର ସମାଧାନ ହୋଇପାରେ।