କରଞ୍ଜିଆ, ୧୫।୩ : କରଞ୍ଜିଆରେ କାଳବୈଶାଖୀ ତାଣ୍ଡବ। ମାତ୍ର ୧୦ ମିନିଟ୍ ତାଣ୍ଡବରେ କରିଦେଲା ଛାରଖାର। ଉଡାଇଲା ଘରର ଛପର ଓ ଗାଡି। ଏପରିକି କାଳବୈଖାଖୀ ପ୍ରଭାବରେ ଏକ ଅଟୋ ଓ ସ୍କୁଟିକୁ ଉଡି ପୋଖରୀରେ ପଡିଥିଲା। ଏଥିରେ ୨ ଜଣଙ୍କ ମୃତ୍ୟୁ ହୋଇଥିବା ବେଳେ ୪ ଜଣ ଗୁରୁତର ହୋଇଛନ୍ତି।
ପବନରେ କଙ୍କଡା ଗାଁରେ ରାସ୍ତାରେ ଯାଉଥିବା ଏକ ଅଟୋକୁ ଉଡାଇ ନେଇ ପୋଖରୀ ଭିତରେ ପକାଇ ଦେଇଥିଲା। ସେହିପରି ଏକ ସ୍କୁଟିକୁ ନେଇ ପୋଖରୀରେ ପକାଇଥିଲା। ପବନରେ ବହୁ ଘରର ଛପର ଉଡିଯାଇଛି। କାଳବୈଶାଖରରେ ଦୁଇ ଜଣଙ୍କର ମୃତ୍ୟୁ ହୋଇଥିବା ବେଳେ ୪ ଜଣଙ୍କର ଅବସ୍ଥା ସଙ୍କଟାପନ୍ନ ରହିଛି । ଘଟଣା ସ୍ଥଳରେ ଅଗ୍ନିଶମ ବାହିନୀ କର୍ମଚାରୀ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛନ୍ତି।